Maureen, hindi makalimutan kung paano nabulag noong 1998

Dalawang taon palang nabulag ang aktres na si Maureen Larrazabal dahil nasira ang kanyang cornea nang makatulog siya na suot ang contact lenses.

Sumailalim ang Pepito Manaloto mainstay sa corneal transplant para maibalik ang kanyang paningin.

“Bulag ako, two years. Natulog ako nang may contact lens, tapos tumitigas ‘yun ‘di ba kapag hindi ka nag-drops. Na-slit open ko ‘yung cornea, pinasukan ng Pseudomonas bacteria, so pumasok siya sa mata,” kuwento niya sa nangyari sa mata niya noong 1998.

Ayon sa U.S. Centers for Disease Control and Prevention: “Pseudomonas aeruginosa can spread through exposure to soil or water, person-to-person contact, and contact with contaminated surfaces. For the eyes, symptoms include pain, redness, and swelling.

Nasa Hong Kong daw siya noong mabulag siya at umuwi siya agad at dumiretso sa ospital.

“Pagdating dito, diretso ako ng Makati Med. Pag-open nila puro pus tapos wala na, wala na siyang itim. Kaya very grateful ako sa GMA, kasi during that time hindi nila ako tinanggalan ng show. May pinagdaanan ako pero I have something to look forward to kasi every week pumapasok ako na naka-shades.”

Nagpasalamat siya sa kanyang corneal donor, at kay Dr. Minguita Padilla, na nagsagawa ng transplant.

Arabella at Rikki, pressured dahil sa husay ng mga magulang

Pressured ang celebrity siblings na sina Arabella at Rikki Mae Davao dahil kailangan nilang magpakitang-gilas sa pag-arte dahil mahuhusay na artista ang parents nilang sina Ricky Davao at Jackie Lou Blanco.

Pag-amin nina Ara at Rikki, mayroong advantage at disadvantage ang maging anak ng celebrity.

“For example, our dad would always bring us to events, tapos minsan, doon kami nare-recognize. But there’s also that pressure na parang siguro dapat magaling din kayo and all that,” sey ni Ara.

Sey ni Rikki: “So it’s like there’s a disadvantage, there’s an advantage but then, there are mentors also since we entered the business.”

Nakilala si Arabella sa Kapamilya teleserye na FPJ’s Batang Quiapo samantalang sa GMA Prime na Widows’ War naman lumabas si Rikki Mae.

Selena at Benny, ‘di minamadali ang kasal

Wala pa raw wedding plans sina Selena Gomez at Benny Blanco.

Kahit na matagal na silang engaged, hindi sila nagmamadaling magpakasal dahil sa kanilang careers.

During their appearance on the Today Show, in-explain nila ang sitwasyon ng engagement nila.

Sey ni Selena: “I’m actually shooting season 5 of Only Murders right now. You know, he has to do some work stuff, too. To be honest, I’m just enjoying us in this moment, and yeah, then we’ll get to start the craziness.”

Sumang-ayon si Benny sa sinabi ng kanyang fianceé: “We haven’t even had time to enjoy it. Are you kidding me? We go from this, she’s shooting, we’re promoting the album. She was at the Oscars. It’s crazy.”

Kung paplanuhin daw nila ngayon ang wedding, gusto ni Selena na “casual wedding” lang. Isang hiling ni Benny na hindi mawala sa wedding reception nila ay ang paborito niyang pickles.

Out na ang first musical album nina Selena at Benny titled I Said I Love You First.