Edu, binenta ang bahay sa Greenhills!

Aksidente kaming nagkita ng veteran actor, host at entrepreneur na si Edu Manzano sa Haneda International Airport in Tokyo, Japan last Thursday, Feb. 13. Nagkataon na iisa ang aming connecting flight pabalik ng Pilipinas.

Si Edu ay nanggaling ng New York, USA habang kami naman ay galing sa aming two-week vacation sa Los Angeles, California.

Matagal kaming nagkakuwentuhan ng ama ni Luis Manzano. Ayon sa actor, lumipad siya patungong New York where he stayed for two months to spend time sa kanyang dalawang anak na sina Addie at Enzo, his children sa kanyang dating partner na si Rina Samson na pareho nang naka-base sa New York City.

Si Addie ay may asawa na, ang American national na si Jared Glassman at kamakailan lamang isinilang ang kanilang first baby na si Jaime Wolf kaya dalawa na ang apo ng actor – sina Isabella Rose (kina Luis Manzano at Jessy Mendiola) or Peanut at Jaime Wolf na first baby naman ng mag-asawang Addie at Jared.

“I’m a grandfather twice over,” pahayag ng proud lolo.

Tinapos lamang niya ang taping ng huling teleseryeng tinampukan niya, ang Lavender Fields na pinagbidahan nina Jodi Sta. Maria, Jericho Rosales at Janine Gutierrez.

Naikuwento sa amin ni Edu na binenta na niya ang kanyang bahay in Greenhills at lumipat na siya ng Parañaque para malapit sa kanyang mga kapatid.

Samantala, consistent si Edu sa kanyang pagiging gentleman dahil bukod sa binitbit niya ang aming Duty Free bag na puno ng pasalubong, umalalay rin siya sa ilang passengers na hirap sumakay sa shuttle bus at umakyat sa hagdanan ng eroplano dahil sa bigat ng kanilang mga bitbit.

At talagang natural na sa kanya ang pagiging isang komedyante.

Kakaiba talaga siya, Salve A., sa ibang celebrities na hindi gaanong namamansin at parang may sariling mundo ‘pag nakita mo sa ibang lugar.

Saludo kami sa ‘yo, Doods!

Jobless singer, nagkukulong sa cabinet!

Gusto naming pasalamatan ang L.A.-based businessman na si Geoffrey Jimenez and his family who took care of me sa aming dalawang linggong bakasyon in L.A.

Geoffrey hosted a despedida party para sa inyong lingkod na dinaluhan ng aming mga L.A.-based friends tulad ng aming BFF, ang US immigration lawyer na si Atty. Jemela Nettles, Dra. Rona Rivera, Marivic Agravidor-Ayunan, Raymond Lo (nephew of the late Ricky Lo), Oliver Carnay, Des Baker, Bradford Adkins, Angel Bonilla, film producer Benjie Cabrera, Edwin Mojica, Ricky Flores, Tootsie Guevarra at Princess Punzalan, couple Rhy at David Deles at iba pa. Aligaga rin sa pagsi-serve ng food ang sister ni Geoffrey na si Edith Jimenez at husband nitong si Manny.

Bukod sa kanyang pagiging actress sa Hollywood films, si Princess ay isang full-time nurse sa isang hospice habang si Tootsie ay marketing executive ng isang healthcare company pero naisisingit pa rin nito ang kanyang singing career whenever she has shows or concerts sa iba’t ibang lugar ng Amerika.

Since late dumating ang singer na si Angel Bonilla at nakaalis na ang iba, ito na ang bumangka sa kuwentuhan na pawang first-hand information involving known artists.

Isa umanong kilalang singer (na tila jobless ngayon) ang halos wala nang buhay nang kanilang isugod sa pagamutan dahil sa kalasingan.

Ang nasabing singer ay matagal nag-stay sa bahay ng negosyanteng si Geoffrey Jimenez at tinulungan niya itong magkaroon ng show kahit papaano para magkapera.

Tila may depression umano ang singer kaya madalas itong mag-iinom at may mga pagkakataon pang pumapasok ito ng cabinet para doon magkulong.

Hinayang na hinayang ang maraming tao sa singer na ito na tila pinabayaan na ang kanyang career. Katunayan, wala nang gaanong balita sa kanya. Para umano itong shooting star na biglang naglaho.