Mikee, mahal pa rin si Paul!
Kinumpirma ni Mikee Quintos na hiwalay na sila ng boyfriend niyang si Paul Salas. Tatlong taon ding nagtagal ang relasyon nila.
Iginiit ng Slay star na walang third party kaya sila naghiwalay ng Kapuso hunk.
Inamin niya na hindi niya inasahan na mangyayari sa kanila ni Paul ang maghiwalay.
Sa kabila raw ng kanilang hiwalayan ay mahal pa rin ni Mikee si Paul, at pinaglaban daw nila pareho ang kanilang relasyon.
Taong 2022 noong magkaroon ng relasyon sina Mikee at Paul pagkatapos magsama sa teleserye na The Lost Recipe. Bago si Paul, naging boyfriend ni Mikee ang Kapuso singer na si Louie Pedroso. Niligawan din siya ni Kelvin Miranda.
Ex-girlfriend naman ni Paul si Barbie Imperial.
13 going on 30 stars, nag-reunion matapos ang 21 taon
Nagkaroon ng reunion ang stars ng 2004 fantasy-comedy na 13 Going On 30 na sina Jennifer Garner at Judy Greer sa Paris, France.
After 21 years ay muling nagkasama sina Jen at Judy, this time ay co-stars sila sa isang thriller series na The Last Thing He Told Me.
Sa Instagram post ni Jen, namasyal sila ni Judy sa iba’t ibang lugar sa Paris habang in character sila as Jenna Rink at Lucy Wyman from 13 Going On 30.
Ang iba pang co-stars nila ay sina Mark Ruffalo, Andy Serkis, Samuel Ball, Marcia DeBonis, Christa Allen at Kathy Baker.
Naging iconic scene ng movie ay ang Thriller dance sequence na every Halloween ay may kanya-kanyang reenactment ang cast at pino-post nila on social media.
- Latest
