Ysabel, naka-1 milyong followers na sa TikTok!
May bagong achievement pala si Ysabel Ortega. Meron na pala siyang one million followers sa TikTok!
Bilang pagbati ay ni-repost ng Sparkle GMA Artist Center ang kanyang cute na TikTok video na ginagawa ang Oh Mickey transition challenge.
Lutang ang kanyang ganda na kahit napakalapit ng camera sa kanyang mukha ay maganda pa rin. Nasabi ko na ito noon pero habang tumatagal ay lalo siyang mas nagiging confident sa pagsasalita at kilos niya. Isa talaga si Ysabel sa may pinakamagagandang mukha sa showbiz at lalo pa siyang gumaganda habang tumatagal.
Isa pa sa kapuri-puri sa kanya ay ang kasipagan at pagiging desidido niyang tapusin ang pag-aaral na kasalukuyang kumukuha ng Law. Inaabangan din ng marami kung papasukin niya ang pulitika na hindi imposible dahil may dugong pulitiko siya.
Sa isa pang post ay ibinahagi niya na kasama ang Voltes V: Legacy kung saan gumaganap siyang Jamie Robinson sa lalahok sa biggest comics convention sa California.
Siguradong mas dadami pa ang mga tagahanga at followers ni Ysabel. Bongga.
- Latest
