Luv is, inaabangan ng mga gustong kiligin

Bongga, airing na pala sa January 16 ang collaboration project ng GMA Network at Wattpad Webtoon Studios Luv Is: Caught In His Arms.

Siyempre pinagbibidahan ito ng Sparkle sweethearts na sina Sofia Pablo and Allen Ansay, kasama ang Sparkada co-stars Michael Sager, Vince Maristela, Sean Lucas, Tanya Ramos, and Cheska Fausto.

Watch ko ‘to para naman kiligin ulit ako. Hahahaha.

Kaloka kung anu-ano na lang naiisip ko ha.

Slater at KRYZ, matibay ang relasyon

Ang bongga naman ng dating aktor na si Slater Young. Ang sweet ng kanyang message para sa asawang content creator na si Kryz Uy para sa 33rd birthday nito.

Pinost nito sa kanyang social media account ang kanilang precious moments at specials milestones mula noong kanilang engagement, wedding, pagbubuntis ni Kryz at panganganak din nito. Talagang Ipinahayag nito ang all-out love niya sa asawa sa caption nito.

Ipinakita rin ni Kryz ang photos nito hawak ang malalaki at colorful na bouquet of flowers at litrato ng pamilya nila. Lutang din ang cuteness ng mga anak nila na sina Scottie at Sevi.

Marami ang kinikilig sa mag-asawa dahil sa gitna ng mga hiwalayan sa showbiz, nanatiling matibay ang kanilang pagsasama.