Dating Beauty Queen-Actress Michelle Aldana, isang dekada sa Africa bago ulit umarte   

Still remember former ‘90s beauty queen-actress na si Michelle Aldana? Nagbabalik-showbiz  ngayon si Michelle Aldana at kabilang siya sa cast ng upcoming GMA Afternoon Prime drama series na Nakarehas na Puso.

Hindi pala ito ang unang pagkakataon na nag-offer ang GMA kay Michelle na balikan ang showbiz. Nauna siyang kinukuha para gumanap sa Love You Stranger drama series nina Gabbi Garcia at Khalil Ramos, pero hindi siya natuloy.

Sa interview kay Michelle, naikuwento niyang almost a decade na siyang nasa South Africa.  “Ang buhay ko roon, mostly, I ran an agency for actors and models. So I do workshops, and I’m the director of operations. We do a lot of international films and international TV commercials. So, HBO projects, Cinemax projects. Currently, ‘yung mga talents namin are shooting American Monster and Warrior.”

Ano kaya ang dahilan at napapayag si Michelle na muling tumanggap ng project dito sa bansa?  “’Yung character na ibinigay nila sa akin is such a big role na isang kontrabida, na-challenge ako dahil I’ve never done kontrabida before. So, I said to myself, this is a big opportunity and a learning phase for me. Anything, any kind of project where I learn things is quite good to me.”

Tuluy-tuloy na ba ang pagbabalik niya sa showbiz? “Let’s see what happens after this, and then we’ll see from there.”

Makakasama ni Michelle sa Nakarehas na Puso sina Jean Garcia, Leandro Baldemor, Vanessa del Moral, EA Guzman, Claire Castro, Ashley Sarmiento at Bryce Eusebio na papalit sa The Fake Life nina Ariel Rivera at Beauty Gonzalez, sa GMA 7.

Miguel, nawawala ang angas kay Ysabel

Maganda ang feedback nang magsimula na ang pilot week ng bagong GMA Telebabad drama series na What We Could Be na first team-up nina Kapuso Ultimate Hearthrob Miguel Tanfelix at Sparkler GMA Artist Ysabel Ortega.

Pinuri agad ng netizens ang acting ni Miguel, na ibang-iba sa mga nauna na niyang roles na nagampanan.

Kasama nina Miguel at Ysabel si Yasser Marta as Lucas, magpinsan sila ni Franco.

Dito na ba magbabago ng ugali si Franco o itutuloy pa rin niya ang evil plan na ipinangako niya sa kanyang ina, si Helen (Joyce Anne Burton).

Napapanood gabi-gabi ang What We Could Be na collaboration ng Quantum Films at GMA Network, 8:50 p.m. sa GMA 7 after Lolong.