Regine emosyonal sa birthday ng tatay

Naging emotional kamakailan si Asia’s Songbird Regine Velasquez-Alcasid dahil inalala niya ang kaarawan ng kanyang pumanaw na ama na si Gerry Velasquez.

Nag-celebrate ito ng birthday noong nakaraang October 16. Sa Instagram account ni Regine ibinahagi niya ang pagbati para sa kanyang ama. “Happy Birthday, Papa. I miss you so much. I love you forever.”

Bumati rin ang asawa ni Regine na si Ogie Alcasid sa tinaguriang leader of the band. “Happy bday also in heaven Mang Gerry!! We miss you so. #leaderoftheband #birthday”. 

Sumakabilang-buhay si Mang Gerry noong February 3, 2014 dahil sa malubhang karamdaman. Kung nabubuhay pa ito, he would have been 78 years old.

The Dawn tatlong dekada na ang samahan

Thirty years na pala ang rock band na The Dawn at hanggang ngayon ay busy pa rin sila sa mga concert dito at sa ibang bansa. Masaya ang lead vocalist ng The Dawn na si Jett Pangan dahil inabot ng tatlong dekada ang kanilang grupo.

“The Dawn is, this year, celebrating 30 years. We actually had three major shows to celebrate that. We have one coming on November 5 sa Music Museum—a repeat of our successful concert called Trenta.

“We might also write new song for maybe a single or an album. Celebration mode kami ngayon. Wow, 30 years! Tagal na ‘di ba?” ngiti pa niya.

Ibang album naman daw ang ilalabas nila for their 30th year.

“We’ve practically written everything. 14 albums na kami and we’ve written a lot of songs about friendship and all that,” panimula niya bago tumigil nang sandali para mag-isip.

“Hindi namin alam kung saan pupunta ‘yung song. Basta kung single lang, we want something na lahat makaka-relate. Everyone can sing it. Everyone can love it. By that, I mean kahit executive ka sa bangko o yosi vendor ka, gusto ko, gusto namin, kinakanta mo ‘yung kanta because you like it because it speaks to you,” sey niya.

Bukod sa pagiging busy sa 30th year celebration kasama din si Jett sa cast ng upcoming GMA Afternoon Prime series na Hahamakin Ang Lahat kung saan bida sina Kristoffer Martin at Joyce Ching.