AiAi bibisita sa bahay ni Regine

MANILA, Philippines – Ngayong Sabado (Nobyembre 7), isang umagang puno ng kwentuhan at tawanan ang hatid ng Sarap Diva dahil special guest ng Asia’s Songbird na si Regine Velasquez-Alcasid sa kanyang bahay ang real-life cousin-in-law niya, ang Philippine Comedy Queen na si AiAi delas Alas.

 Sa pagbisita ni AiAi ay mababati na rin niya ng personal si Baby Nate ng Happy birthday. Maghahanda naman si Regine ng isang home-made Chicken Ham para sa kanyang special guest.

 Samantala, ibabahagi naman ni AiAi ang kanyang nakatutuwang adventures bilang isang ina. Masasak­sihan din ng Kapuso viewers ang isang espesyal na kantahan session nilang dalawa.

 Lahat ng iyan ay mapapanood ngayong Sabado, 10:40AM pagkatapos ng Maynila sa GMA.

Mark Bautista gaganap na mapansamantalang guro 

Mapapanood sa unang pagkakataon ang singer na si Mark Bautista ngayong Sabado (Nov. 7) sa hit legal drama ng ABS-CBN na Ipaglaban Mo. Gagampanan ni Mark ang papel ng isang gurong pagsasamantalahan ang kanyang estudyanteng menor de edad kapalit ng pagpasa nito sa kanya sa kanyang klase. Tatakutin niya ang bata na manahimik sa kababuyang ginawa hanggang sa isang araw ay matutuklasan rin ng ina ang sinapit ng anak.

Anong parusa ang naghihintay sa kanya? Kasama rin sa episode sina Veyda Inoval at Desiree Del Valle sa ilalim ng direksyon ni Don Cuaresma.