Megan at Mikael, may lalake kaagad!

Ang bongga naman ng celebrity couple na sina Mikael Daez at Megan Young na nag-gender reveal na at baby boy ang magiging panganay nila.

Sey ng aktor ay nag-set up daw sila sa studio nila para sa masayang get-together at pinapili nila ang mga bisita sa pink o blue para hulaan ang magiging gender ng kanilang baby.

Pareho ang hula ng mag-asawa, girl ang magiging baby nila.

Ang cute nga ng reaksyon nila nang buksan ang litrato ng screenshot ng resulta at napasigaw sila dahil parehong mali ang hula nila.

Pinuri sila sa pagi­ging simple sa gender reveal ng mga ito at hindi pinabongga.

Pinutok lang nila ang balloon at lumabas nga ang blue confetti mula roon. Simple pero bigtime raw magbigay ng happy energy at vibes na makikita nga na nag-enjoy ang lahat ng bisita nila.

May fan naman na nakaalala sa mga interview ng Miss World 2013 kung saan sinabi raw nito na ayaw raw magka-baby nito dahil natatakot siya sa mga possible complications pero heto nga at malaki na ang tiyan niya.

Na-excite naman agad ang mag-asawa dahil sabik na silang malaman kung sino raw kaya ang magiging kamukha ni Baby Daez.

Naghanap sila ng mga photo nila noong bata pa  at tinitingnan nga nila ang mga namana nila sa kanya-kanyang magulang.

Bongga.