Kampanya na ba?
Malayu-layo pa ang campaign period para sa 2016 elections, eto’t nagsisimula nang kumalat ang ilang maituturing na campaign materials ng mga magsisitakbo.
Yung iba medyo disimulado, hindi gaano halata, pero eto may iba, na talaga namang hayagan na ang pangangampanya, marami na ang epal.
Meron pa nga, aba’y nakadelentara na ang mga mukha, kung hindi man ang mukha, may mga nagkalat ng mga maituturing na campaign material sa kung saan- saang barangay.
Lalu na nga’t ang mga opisyal sa mga barangay ay kanilang ka-partido, ay naku, walang labag-labag, kapalan na lang ngayon pa lang may mga campaign materials na ang mga iyan.
Dumaan ang Undas, o di ba’t maging sa mga sementeryo makikita ang mga mukha ng ilang kandidato, oo nga’t hindi nakalagay sa mga banner o streamer nila na ang salitang ‘iboto’ , iisa ang layon ng mga ito, ang umepal at magparamdan ngayon pa lang.
Meron naman wala nga ang kanilang mga mukha, pangalan na ng kanilang mga ka-tandem ang nakabandera sa mga lansangan.
Kaya nga yung ibang kandidato na kulang sa pondo, talong-talo, kasi nga hindi sila nakakapagsimula ng maaga, kailangan totodo lang sila pagmalapit na ang eleksyon, pero ang mga may pera, siyempre ngayon pa lang paramdam na kasi mahaba ang pisi kung minsan nga lampas na sa itinakdang gastos ng mga kandidato.
Premature campaigning! Ano kaya ang say dito ng Comelec?
- Latest
