Fish vendor at kustomer, pinagbabaril

MANILA, Philippines — Pinagbabaril ng mga hindi pa kilalang suspek ang isang tindero ng isda at dinamay ang kustomer, naganap nitong Biyernes ng umaga sa  isang public market sa Rodriguez, Rizal.

Ang nasawing customer ay kinilala sa alyas “Sadam” habang sugatan naman ang pakay ng mga suspek na si alyas “Ro­naldo”, tindero ng isda.

Sa ulat ng pulisya, alas-7:20 ng umaga nang maganap ang pamamaril sa Double-L public market, sa Southville 8, Barangay San Isidro, Rodriguez, Rizal.

Habang nagbabantay ng panindang isda si Ronaldo ay biglang lumutang ang dalawang hindi pa kilalang lalaki at pinagbabaril  siya sa iba’t ibang bahagi ng katawan at pinaputukan din ng ilang ulit ang kustomer na si Sadam, na bumulagta  at agad binawian ng buhay.

Tumakas ang mga suspek sa direksyon ng Southville-8B, San Isidro.