Brgy. chairman, misis sa Sultan Kudarat, utas sa ambush

MANILA, Philippines — Isang barangay chairman sa bayan ng Sultan Kudarat, Maguindanao del Norte at misis nito ang nasawi nang pagbabarilin sa naganap na ambush, kamakalawa ng gabi.

Dead on the spot ang mag-asawang sina Bulibod Brgy. Chairman Esmael Latip Mustapha at misis na si Rahima Maulana na brgy. secretary.

Ayon kay Sultan Kudarat Municipal Police Station chief PLtCol. Esmael Madin, nangyari ang pamamaril, alas- 10:30 Linggo ng gabi habang papauwi na ang mga biktima.

Naglalakad ang mga biktima sa madilim na kalsada nang biglang harangin ng nasa anim na kalalakihan na pawang armado ng matataas na kalibre ng baril at pinagbabaril.

Nagsasagawa pa ng imbestigasyon ang pulisya upang malaman ang motibo ng pamamaslang sa mga biktima.