Mga binaha sa Mindanao bigyan ng ayuda – Marcos
![Mga binaha sa Mindanao bigyan ng ayuda � Marcos](https://media.philstar.com/photos/2024/07/15/sa_2024-07-15_22-21-49.jpg)
MANILA, Philippines — Ipinag-utos ni Pangulong Ferdinand “Bongbong” Marcos kay Special Assistant to the President Secretary Antonio Lagdameo Jr. at Social Welfare and Development Secretary Rex Gatchalian at iba pang opisyal ng gobyerno na mamahagi ng tulong sa mga nabaha sa Mindanao.
Ayon kay Gatchalian na tig-P5,000 o katumbas ng P380,000 ang ibinigay na ayuda sa may 76 residente na nasiraan ng bahay sa Bangsamoro Autonomous Region In Muslim Mindanao (BARMM) dahil sa southwest monsoon.
Habang tig-P10,000 naman o katumbas na P2.86 milyon ang ibinigay na ayuda sa mga residente na totally damaged ang mga bahay lalo na ang Matanog, Maguindanao del Norte na lubhang apektado ng pagbaha.
Namahagi naman ng P786,000 na halaga ng financial assistance sa 157 na residente ang dalawang opisyal sa Balabagan Evacuation Center. Tig-P100,000 ang ibinigay sa 10 residente na totally damage ang bahay habang tig-P10,000 naman sa dalawang residente na namatayan.
- Latest