Indian na lider ng terror group, tiklo sa BI
MANILA, Philippines — Naaresto ng mga tauhan ng Bureau of Immigration (BI) ang isang Indian-Nepalese national na itinuturing ng mga otoridad sa New Delhi bilang mataas na lider ng isang separatist terror group at wanted na kriminal sa India.
Ayon kay Immigration Commissioner Norman Tansingco, ang naarestong dayuhan na si Joginder Geong, 41, ay naaresto ng mga operatiba ng Fugitive Search Unit (FSU) ng BI kamakalawa sa kanyang tahanan sa Brgy. Taculing, Bacolod City, Negros Occidental.
Sinasabing si Geong ay kilalang gumagamit ng iba’t ibang alyas kabilang na ang ‘Joginder Geyong’ at ‘Kanta Gupta.
Sinabi pa ni Tansingco na pinaniniwalaang sangkot din si Geong sa Khalistani terror group na naglunsad ng armed separatist rebellion na ang layunin ay magtatag ng isang independiyenteng Sikh state sa Punjab province, India.
- Latest
