LTO binalaan ang mga motorista vs text scammer sa traffic violations

MANILA, Philippines — Binalaan ng Land Transportation Office (LTO) ang publiko na mag-ingat sa mga scammers na nagpapadala ng text messages na nagsasabing may traffic violations.

Ayon kay LTO chief Vigor Mendoza, hindi dapat patulan ang mga text messages dahil layunin lamang nito na nakawin ang mga impormasyon ng mga motorista.

Kabilang sa mga hinihingi ng scammers ang plate numbers, bank account at e-wallet information.

Laman ng mensahe ng mga scammers ang link na kapag na-click ay otomatikong mare-redirect sa bogus na LTO site at makukuha ang impormasyon.

“Do not ever type in the license plates of your motor vehicles and give other personal information about your bank or e-wallets accounts. Better yet, ignore all of them because they are certainly scams,” pahayag ni Mendoza.

Nakikipag-ugnayan na ngayon ang LTO sa iba’t ibang sangay ng pamahalaan lalo na sa Philippine National Police at Department of Information and Communications Technology (DICT) para tugisin ang mga scammers.