Senglot na anak, inutas ng ex-con na ama

MANILA, Philippines — Isang 40-anyos na lalaki ang agad na nasawi matapos saksakin sa dibdib ng kanyang sariling ama kamakalawa ng gabi sa Baggao, Cagayan.

Kinilala ni P/EMS Rommel Serrano ng Baggao Police ang nasawing biktima na si Rick Gawat, 40, isang driver, habang ang suspek ay ang ama nito na si Armando Gawat, isang ex-convict at kapwa residente ng Sitio Tueg, Barangay Bitag Grande sa nasabing bayan.

Lumalabas sa imbes­tigasyon, alas-10:00 ng gabi ay umuwing lasing ang biktima sa kanilang bahay mula sa pakiki­pag-inuman sa kanilang kapitbahay kung saan ay ginalit umano nito ang kanyang ama hanggang sa magkaroon sila ng mainitang pagta­talo.

Napuruhan ang nakababatang Gawat matapos undayan ng saksak ng kanyang ama sa dibdib gamit ang isang 14-pulgadang patalim na sanhi ng agarang pagkamatay nito.

Tumakas at nagtago sa kabundukan sa lugar ang suspek na  nakulong ng mahigit sa 20-taon dahil sa kasong murder.