PNoy pinagbibitiw ng Obispo

MANILA, Philippines - Pinagbibitiw ni Cebu Archbishop Emeritus Ricardo Cardinal Vidal si Pangulong Noynoy Aquino dahil na rin sa  kawalan ng  moral ascendancy.

 Ayon kay Vidal  na pinangungunahan ang  grupong National Transformation Council lantaran na umanong nilalabag  ng Pangulong Aquino ang  Konstitusyon  sa pamamagitan ng  pangongorap sa Kongreso, pagbabanta sa  hudikatura,  sa judiciary,  at  pakikialam sa impeachment process.

 Sakaling  mag-resign si PNoy, maaari namang  magbuo  ng  isang alternative government na kinabibilangan ng mga kababaihan  at kalalakihan na may integridad upang maiwasan ang  political vacuum.

 Ang panawagan ng Obispo ay  sinang-ayunan ng  civil society kung saan nanawagan  ang  grupo ng agarang pagsasampa ng kasong criminal  sa lahat  ng  mambabatas na sangkot sa pork barrel scandal at disbursement acceleration program.

 Karamihan ng mga elective post sa lalawigan ng Cebu ay napanalunan at  kontrolado ng  mga  mi­yembro ng  Liberal  Party ni PNoy noong May 2013 elections.