Negosyo at yaman ni Cedric bubusisiin ng BIR

MANILA, Philippines - Makikialam na rin ang Bureau of Internal Re-venue (BIR) pero hindi sa kaso nang pambubugbog ng grupo ni Cedric Lee kay Vhong Navarro kundi ang pagbusisi sa yaman at negosyo ng una.

Ayon kay BIR Commissioner Kim Henares, gagawin nila ang pag-iimbestiga sa mga negosyo ni Lee dahil napag-alaman nilang isa sa business partners ni Lee ay si Tyrone Ong, na nakulong dahil sa mga kasong tax evasion, graft at malversation. 
Si Ong ang pribadong contractor ng Philippine National Police (PNP) sa umano’y maanomal-yang pagbili ng armored vehicle.

Subalit, binigyang diin ni Henares na kung nagbabayad naman ng tamang buwis si Lee mula sa mga kumpanyang pag-aari nito o walang maling deklarasyon sa kanyang kita o buwis ay wala namang magiging problema.

Nabatid na si Lee ay may hinahawakang halos limang kumpanya na siya ang presidente.