Zoom In walastik sa PCSO race
MANILA, Philippines — Nagtala ng wire-to-wire win ang Zoom In sa naganap na 2025 PHILRACOM - PCSO “3-Year-Old Maiden Stakes Race” na nilarga sa Metro Turf, Malvar - Tanauan City, Batangas noong Linggo ng hapon.
Kumaripas sa unahan ang Zoom In paglabas ng aparato para makalamang agad ng apat na kabayong bentahe sa mga kalaban.
Hindi nagbago ang puwesto sa unahan sa kalagitnaan ng karera, namamayagpag pa rin ang Zoom In habang nasa likuran nito ang Elena Bell, Kings Cup at Pine Noveau.
Nagpatuloy ang pamamayagpag ng Zoom In sa unahan sa far turn kaya naman pagsapit ng huling kurbada ay mag isa pa rin ang winning horse sa unahan tungo sa panalo sa tiyempong 1:27.6 minuto.
Nakopo ng second placer na Elena Bell ang P300,000 habang P150,000 at P75,000 ang third at fourth na Brig Left Over at Kings Cup, ayon sa pagkakasunod.
- Latest
