Wizards tinuhog ng Cavs
CLEVELAND — Umiskor si Donovan Mitchell ng 19 points at kumolekta si Evan Mobley ng 19 points at 10 rebounds sa 118-87 pagtuhog ng Cavaliers sa Washington Wizards.
Nagdagdag sina Sam Merrill at Georges Niang ng tig-14 points mula sa bench para sa Cleveland (19-3).
May 12-1 home record sila at ang 31-point win ang pinakamalaki nila ngayong season.
Tumipa si point guard Darius Garland ng 12 points bago magkaroon ng head injury sa third quarter at hindi na nakabalik sa laro.
Nasiko si Garland ni Washington center Jonas Valanciunas.
Nagtala sina Valanciunas, Jordan Poole at rookie Bub Carrington ng tig-13 points para sa Wizards (2-17) sa kanilang final NBA Cup game.
Ito ang ika-15 sunod na kamalasan ng Washington.
Sa Indianapolis, bumira si Scottie Barnes ng career-high 35 points sa 122-111 panalo ng Toronto Raptors (7-15) sa Indiana Pacers (9-13).
Sa Salt Lake City, kumamada si Jalen Williams ng 28 markers sa 133-106 paggupo ng Oklahoma City Thunder (16-5) sa Utah Jazz (4-17).
- Latest
