Cignal wawalisin ang Elims
MANILA, Philippines – Ang pang-limang sunod na panalo ang sisikaping kunin ng Cignal HD Lady Spikers sa 2015 Philippine SuperLiga (PSL) Grand Prix women’s volleyball sa Cuneta Astrodome sa Pasay City.
Kalaro ng koponan ang RC Cola-Air Force Raiders sa ala-1 ng hapon at mawawalis ng HD Lady Spikers ang first round elimination kung manalo sa labanan.
Galing ang tropa ni coach Sammy Acaylar mula sa 25-20, 25-19, 16-25, 25-23 tagumpay sa Foton Tornadoes at aminado ang beteranong coach na may pressure na silang nararamdaman dahil sa magandang panimula.
Ang Philips Gold Lady Slammers at Foton ang magtutuos sa alas-3 ng hapon at ikaapat nasunod na panalo para kapitan pa ang ikalawang puwesto ang hanap ng Lady Slammers.
Naipakita ng koponan ang kanilang determinasyon na manalo sa liga nang bumangon sila mula sa 0-2 iskor patungo sa 23-25, 20-25, 25-21, 25-21, 15-8 panalo sa Raiders noong nakaraang Huwebes.
- Latest
