Howard nakulong sa Texas

MANILA, Philippines - Nakulong si Houston Rockets center Dwight Howard sa Texas airport matapos magtangkang sumakay ng eroplano na may dalang baril sa kanyang bagahe, ayon sa mga pulisya nitong Miyerkules.

Sinabi ni Houston police spokesperson Kese Smith na nakita ang baril noong Biyernes ng Transportation Security Administration officials sa Terminal E ng George Bush Intercontinental Airport.

Kinuwestiyon si Ho-ward at kinuha ng airport authorities ang baril bago siya pinasakay ng ibang flight ngunit hindi siya sinampahan ng kaso.

Ayon sa statement ng Rockets, nakarating na sa kanila ang pangyayari at naghihintay pa sila ng ibang impormasyon.

Ang Texas ay may pinakamaluwag na gun laws sa United States.

Sa January 2016, papayagan na sa Texas ang mga tao na magdala ng baril at makalipas ang anim na buwan ay papayagan na rin ang mga estudyante na edad 21-pataas na magdala ng baril sa kanilang classrooms at dormitories sa mga college campuses.