Nahirapan ang Miami ngayong season - Bosh

SAN ANTONIO -- Natapos na ang two-year reign ng Miami at tila nakahinga ng maluwag si Chris Bosh.

Ang Heat ay sinagasaan ng San Antonio sa NBA Finals sa pamamagitan ng 4-1 panalo sa kanilang serye, ang huling tatlong laro ay pawang dominado ng Spurs.

Sa unang pagkakataon sapul noong 2011 ay walang championship parade sa Miami. Ang koponang tinalo ng Heat noong 2013 finals ay palaging may sagot sa laro ng Miami.

“I don’t think anybody really enjoyed this season like in years past,’’ sabi ni Bosh. “There was no, like, genuine joy all the time. It seemed like work. It was a job the whole year. Winning was just a relief. Losing was a cloud over us sometimes and then we’d break out of it - and then go right back. But we got here. We had a chance. They were just better.’’

Sinabi pa ni Bosh na wala silang planong maghiwa-hiwalay nina LeBron James at Dwyane Wade para sa susunod na season.

“We want to stay together, man,’’ ani Bosh. “I’ll say that. It’s a great organization, great team and great city. And to have a chance, that’s all you can ask for.’’

Sinabi naman ni James na wala pa siyang naiisip na desisyon habang sila ay nasa bakasyon. Nagparamdam na si Wade na hindi iiwanan ang Heat kagaya ni Bosh.