2 sports science experts inimbitahan ng komisyon

MANILA, Philippines - Inimbitahan ng Philippine Sports Commission (PSC) ang mga banyagang sports science experts na sina Ali Gilbert ng US at Terry Rowles ng England para magsagawa ng seminar sa bansa.

Ayon kay PSC chairman Ricardo Garcia, ang dalawa ay makakatulong sa pagtalakay sa temang Sports Specific Functional Movements at Trai­ning the Femal Athlete na isa­sagawa mula Mayo 26 hanggang 29 sa Philsports Arena sa Pasig City.

“This is the continua­tion of the Sports Science seminars last year and we want our coaches and trainers not just in the national level but also in the schools and local go­vernment to upgrade their skills from noted sports science experts,” wika ni Garcia.

Si Gilbert ay dating soccer player at ngayon ay BS exercise science graduate ng Springfield College.

Isa rin siyang Tit­leist Performance Institute (TPI) Certified Level 3 Fit­­ness Professional at kini­kilala bilang Strength and Conditioning specia­list ng National Strength and Conditioning Asso­cia­tion.

Sa kabilang banda, si Rowles ay isang advisory board member ng Sports Performance University at binigyan din ng Post Gra­duate Certificate sa Neuro Linguistic Prog­ramming (NLP) bilang isang NLP trainer.

Nauna nang inimbita­han noong nakaraang ta­on sina Milo Bryant, Ja­son Glass at Janet Ale­xander para sa tatlong sports science seminars na dinaluhan ng mahigit na 500 coaches at trai­ners.

Nakikita ni Garcia na po­sibleng dumami ang mga dadalo.