Butler hindi pinaglaro laban sa Bobcats
CHARLOTTE, N.C. -- Inihayag ng Milwaukee Bucks na hindi makakalaro si reserve forward Caron ButÂler laban sa Charlotte Bobcats dahilan sa namamaga niÂyang kaliwang tuhod.
Hindi ibinunyag ng Bucks ang problema ni Butler sa kanyang tuhod bago ang kanilang laro ng Bobcats.
Nagtala si Butler ng average na 13.2 points mula sa bench para sa Bucks, minamalas sa kanilang 10 sunod na laro.
Hindi rin naglalaro para sa Bobcats si forward Michael Kidd-Gilchrist bunga ng plantar fasciitis sa kanyang kanang paa at si Jeffery Taylor ang pumalit sa kanya sa line-up ng Charlotte.
Sinabi ni Bobcats’ head coach Steve Clifford na hindi nakasama si Kidd-Gilchrist, ang 2012 No. 2 overall draft pick, sa kanilang shootaround noong umaga.
Ayon pa kay Clifford, araw-araw na oobserbahan ang kondisyon ni Kidd-Gilchrist.
Naglista si Kidd-Gilchrist ng mga averages na 9.5 points at 5.4 rebounds per game.
- Latest
