kinuha ang playoff para sa no. 2 seat sa final 4: La Salle wagi sa UST

MANILA, Philippines - Kinumpleto ng De La Salle University ang pagwalis sa kanilang pitong laro sa second round at masikwat ang playoff para sa No. 2 seat sa Final Four.

Ito ay matapos talunin ng Green Archers ang Uni­versity of Santo Tomas Tigers, 69-64, sa 76th UAAP men’s bas­ketball tournament ka­hapon sa Mall of Asia Are­na sa Pasay City.

 Ang panalo ng La Salle ang nagtakda sa ka­nilang playoff game ng Far Eastern University pa­ra sa No. 2 berth.

Ang National University ang umangkin sa No. 1 spot mula sa mas mataas nilang quotient kesa sa La Salle at FEU.

Ang No. 1 at No. 2 teams ang hahawak ng ‘twice-to-beat’ advantage sa Final Four.

Sumandig ang Green Archers kina Jeron Teng, Norbert Torres at Jason Perkins sa pinakawalang 23-7 arangkada para ku­nin ang 53-45 kalama­ngan sa third period.

Nakadikit naman ang Tigers sa 55-58 agwat sa fourth quarter.

Ang basket ni LA Revilla ang muling naglayo sa La Salle sa 64-57 sa hu­ling 2 minuto ng laro.

Umiskor si Teng ng 19 points para sa Green Archers kasunod ang 14 ni Nelbert Torres at 11 ni Al­­mond Vosotros.

Binanderahan ni Ka­rim Abdul ang UST mula sa kanyang 18 markers, habang may 16 si Aljon Mariano.

Lalabanan ng Tigers ang five-time champions Ateneo Blue Eagles para sa No. 4 berth sa Final Four sa Miyerkules.

Sa unang laro, binigo ng talsik nang University of the East ang Adamson University, 77-60. (RC)

UE 77 - Mammie 24, Galanza 17, Olivares 11, Casajeros 8, Alberto 7, Jumao-as 6, Santos 2, Noble 2, Pujante 0, Javier 0, Hernandez 0, Flores 0.

Adamson 60 - Trollano 15, Monteclaro 10, Inigo 6, Cabrera 6, Brondial 6, Agustin 6, Cruz 5, Sewa 3, Petilos 2, Abrigo 1, Garcia 0, Cabigas 0.

Quarterscores: 11-13; 43-38; 62-55; 77-60.

La Salle 69 - Teng 19, N. Torres 14, Vosotros 11, Perkins 7, Van Opstal 6, Revilla 6, T. Torres 3, Salem 3, Reyes 0, Montalbo 0, De La Paz 0.

UST 64 - Abdul 18, Ma­riano 16, Teng 10, Bautista 6, Sheriff 5, Ferrer 5, Lo 2, Daquioag 2, Pe 0, Faundo 0.

Quarterscores: 15-13; 37-30; 53-45; 69-64.