Desisyon ni Garnett hinihintay ng Boston

BOSTON -- Mananatiling nakabitin ang pagpapa­lakas ng Celtics habang hinihintay ang plano ni forward Kevin Garnett para sa 2013.

Lumagda si Garnett ng isang three-year, $34 million contract noong nakaraang taon at nag-iisip kung sa­sailalim siya sa isang ankle surgery.

“Who holds all the cards? Kevin Garnett,” wika ni Jackie MacMullan ng ESPNBoston.com sa CSNNE’s UNO Sports Tonight show.

May mga spekulasyon na ite-trade ni Boston gene­ral manager Danny Ainge si Paul Pierce o bilhin ang kan­yang $15 million contract para sa susunod na season.

Kung matutuloy ito, posibleng hindi na maglaro si Gar­nett sa Celtics.

Ngunit hihintayin muna ng Boston kung ano ang pla­no ni Garnett bago magdesisyon kung ano ang ga­gawin kay Pierce.