Isyu sa billiards dapat ayusin ng POC - Garcia

MANILA, Philippines - Pinasisibak ni billiards and snooker congress pre­sident Arturo Ilagan, Jr. sina Dennis Orcollo, Iris Ra­ñola, Rubilen Amit at iba pang Filipino cue ar­tists na kumuha ng gold me­dals sa mga nakaraang Southeast Asian Games.

Ito ang nilalaman ng sulat ni Ilagan kay Philippine Sports Commissio­ner Buddy Andrada.

“This is to inform you that the members of the 2012 national training pool will be replaced effec­tive January after the submission fo the new line up for the 2013 na­tional training pool toge­ther with the 2013 budget,” sabi ni Ilagan.

Ang liham ni Ilagan sa PSC ay may petsang Dis­yembre 26, 2012.

Dahil dito, sinabi ni PSC chairman Richie Gar­cia na ang Philippine Olympic Committee ang da­pat magresolba sa nasa­bing isyu sa billiards.

“I heard about it but I have not seen any official statement,” ani Garcia. “Per­sonally, I think it is a wrong move but it is a decision of the president of the NSA (national sports association) and they are in­dependent.”

“The POC (Phl Olympic Committee) should take action regarding this for billiards is a priority sports,” dagdag pa nito.’

Si Orcollo ay isang eight-ball gold medallist, habang si Rañola ay isang eight-ball at nine-ball gold medal winner sa SEA Games na idinaos sa Indonesia noong 2011.

Si Amit ay palagian na­mang gold medal winner sa mga nakaraang edis­yon ng SEAG.