Kahit hindi makontrol ang iniisip at ginagawa ng iba, ikaw pa rin ang nakaupo sa iyong driver’s seat na may sariling desisyon.
Kailangang malaman na ikaw ay may sariling choice. Puwedeng mamili na mag-move on sa mga negatibong nangyari. May choice na tigilan na ang i-replay sa isipan ang paulit-ulit na sakit, lungkot, at galit.
Ang totoo ay may power na magdesisyon na tigilan na laruin pa sa imahinasyon ang masama, negative, at pangit na nangyari.
Magpokus sa kasalukuyan dahil past is past. Kahit ano pa ang nangyari ay nakaraan na. Ang bukod tanging umiiral ay ang kasalukuyan sa iyong isipan. Nagkakaroon ng problema kapag patuloy na nire-replay sa isipan na paulit-ulit. Sa halip na magpokus sa present at kasiyahan sa iyong buhay ngayon. Kapag sumasagi ang isipan sa nakalipas ay ibalik sa kasalukuyan.