Relevant pa ba? Liza, cover sa Netherlands Mag
Sa kanyang Instagram, in-announce ni Liza Soberano ang bago niyang endorsement na isang brand ng makeup. Ang sabi niya, “From exploring diverse roles to pushing boundaries in the world of beauty, I’m thrilled to be on this journey with a brand that empowers everyone to express themselves fearlessly.”
Big deal sa fans niya ang bago niyang endorsement dahil ang K-pop boy group na Enhypen ang former endorser ng make-up brand. Australian brand din ang cosmetics.
And speaking of Liza, pati magazine sa Netherlands nagku-cover o napi-feature na rin siya, kaya mali ang mga nagsasabing out of the picture na siya.
Tama ang fans nito sa sinabing bashers lang niya ang hindi masaya sa tinatakbo ng career niya.
Daniel, may screening sa Japan!
May screening sa three cities sa Japan ang pelikula nina Ms. Charo Santos, Rans Rifol at Daniel Padilla na Kun Maupay Man it Panahon na may English title na Whether The Weather is Fine. Sa direction ni Carlo Francisco Manatad, ang nasabing Filipino movie ay may screening sa Tokyo, Osaka at Nagoya sa September.
May poster in Japanese at ipinapakita na rin ang trailer ng movie na Waray ang dialogue at may English subtitle. Sa Waray ang dialogue ng movie at ang mga bida talaga ang nagsasalita in Waray at sa napanood naming trailer, karamihan sa mga eksena ng movie ay sa Tacloban kinunan.
Sa Sept. 14, sa Shibuya Image Forum unang ipalalabas ang nasabing pelikula na Junior Jury Award Winner sa 74th Locarno Film Festival. Pupunta raw si Daniel sa Japan para sa screening ng said movie at inaabangan na siya ng kanyang Filipino fans doon.
- Latest
