Kahit naka-love team na at na-link pa Sid naitsapuwerang kunin si Heart para mag-ninang sa anak

MANILA, Philippines - Nosebleed ang nararamdaman ng mga writer kapag kausap si Sid Lucero kasi naman non-stop ang pagsasalita niya ng English at meron pa siyang twang, huh! So, kailangang pakinggan mong mabuti ang bawat salita ng aktor nang sa gayon ay hindi siya mami-misquote.

Mabuti na lang, kapag nababanggit ang pagkakaroon ng anak, sumisigla ang feeling ni Sid dahil by August ay certified father na siya. Palibhasa’y Christ­ian, dedication ang mangyayari sa anak na nakaabang na ang pangalang Halo Eve. Pati nga sponsors na nagbo-volunteer ay ikinatutuwa niya.

Isa na rito si Coco Martin na nagprisintang maging ninong.

“Si Coco, nag-offer siya bigla. Eh para sa akin ’pag nag-offer ka, of course! Si Alex (Alessandra de Rossi), siya ang una kong tinawagan. Close friends? Ahh, si Rob Sy. Si Bernard Palanca,” pahayag ni Sid na kagigising lang sa taping ng Love & Lies.

Eh, si Heart Evangelista hindi niya kukuning ninang?

“I never really asked her. Oo nga, ’no? Hahaha! People from the industry na magiging ninong at ninang they all offered eh. It was just Alex that I really asked. Now that you mentioned it, I’ll think about it. I’ll ask her,” natatawang rason ng aktor.

Eh paano ang kasal nila ng mother ng baby niya?

“No, wait. Since the baby is born, and since my saving is going to be more for supporting the baby, we’re gonna have to put that aside. Weddings are expensive! We’re gonna get a house first. Make sure that our baby has a nice place to stay and we’re working on it now.

“Kasi ’yung wedding naman, my Bea (Lao) naman is always there for me. I don’t enter into a relationship that I don’t think I don’t wanna marry the person. But this has happened. Ayoko namang i-fast forward ’yon dahil dito. We might… things might change. You gonna keep it open but because this is the way it is…of course it is always there.

“But I don’t wanna talk about marriage kasi baka bigla na lang lumabas ’yon. Baduy na! Nagpo-propose na ako, alam na niya. Inunahan ninyo na akong mag-propose. Hahaha!” paliwanag ni Sid.

Eh ano namang ugali niya ang gusto niyang mamana ng anak niya?

“That’s a good question! Hahaha! I just hope she grows up with proper morals. That’s it,” deklara ng aktor.