Satelite office sa Comelec-Talisay duha ka semana na lang nga bukas

CEBU, Philippines — Duha ka semana nga magpaabot ang taga Commission on Election (COMELEC) sa Dakbayan sa Talisay alang niadtong gusto magparehistro.

Si Comelec-Talisay Assistant Election Officer Josef Buac nibutyag nga sugod niadtong Lunes sila naa sa mall diha sa Cebu South Coastal Road (CSCR) sa Barangay San Roque. Ang ilang pagpahigayon sa satellite office molungtad hangtud sa sunod semana.

Nagkanayon si Buac nga gituyo nila ang programa aron mapasayon sa mga tawo nga gusto magparehistro.

Gani niadtong milabay nga semana didto nila gipahigayon ang satellite office sa bukirang barangay sa Talisay.

Gawas sa comelec registration, uban kanila ang buhatan sa PSA ug SSS diin nahisama og one-stop-shop ang ilang gibuhat.

Giawhag ni Buac ang katawhan nga karon na magparehistro ug di na paaboton pa ang deadline karong buwan sa Septiyembre. (BANAT NEWS)