Santiago susubok sa US league

MANILA, Philippines — Matapos sa Japan, susubukan naman ni dating na­­tional women’s volleyball player Jaja Santiago ang kan­yang kapalaran sa United States.

Ang 6-foot-5 na si Santiago, kilala ngayong Sachi Minowa dahil sa kanyang pagiging Japanese citizen ma­tapos ikasal kay Japanese coach Taka, ay unang nag­­laro sa Japanese league noong 2020 para sa Ageo Medics sa Japan V.Cup.

Sa paglipat niya sa Osaka Marvelous ay nagwagi siya ng korona sa 2024-25 SV.League season.

Sa kanyang pagpunta sa US ay inaasahang magla­laro ang 30-anyos na middle blocker alinman sa League One Volleyball (LOVB) o Major League Volleyball (MLV).

“Hulaanin niyo na lang kung saan,” sabi ni Santiago.