Altas ready na sa NCAA Season 100
MANILA, Philippines — Handang-handa na ang University of Perpetual Help System Dalta sa pagsabak sa darating na NCAA Season 100 men’s basketball tournament na magbubukas sa Setyembre 7.
Kumpiyansa si PBA great Olsen Racela sa kanilang magiging kampanya bagama’t siyam na players ang nawala sa lineup ng Altas.
Minalas si dating mentor Myk Saguiguit na maisampa ang Perpetual sa Finals Four ng Season 99 nang tumapos sa pang-lima mula sa 10-8 record.
Ang San Beda Red Lions ni coach Yuri Escueta ang naghari sa torneo.
Muling ipaparada ng Altas sina Christian Pagaran, John Cedrick Abis, John Paul Boral, Angelo Gelsano, Jerico Nuñez, Shawn Orgo, Richard Movida at Nathaniel Sevilla sa Season 100 na pamamahalaan ng host Lyceum Pirates.
May mga rookies pang idadagdag si Racela sa Perpetual roster.
“We are still in the process of selecting the short list of rookies to fill the lineup including Bryle Mascariñas, Justine Kyle Thompson, Eman Pizarro, Axl Manuel, Brix Manuel, Mark Danag, Iñigo Montemayor, Regie Ayon, Axel Javier, Ralph Cauguiran and Mark Gojo Cruz,” ani Racela.
- Latest
