Cansino masayang lilisanin ang UAAP

MANILA, Philippines — Masaya si CJ Cansino na lilisanin ang collegiate career nito sa UAAP na may isang korona at runner-up sa kaniyang pangalan.

Bahagi si Cansino ng University of the Philippines na nagkampeon sa Season 84, habang nagta­pos lamang ang Fighting Ma­roons bilang runner-up sa Season 86.

Lumasap ang UP ng 69-73 sa Game Three ng best-of-three championship series laban sa De La Salle University noong Miyer­kules.

“You guys saw the game earlier, we gave our best but we fell short, that’s life, it’s not for us,” sabi ni Cansino.

Ngunit mas nais ni Can­sino an maalala na na­ging parte ito ng Fighting Ma­roons na nagkampeon no­ong Season 84 kung saan tinuldukan ng kanilang tropa ang mahigit na tatlong dekadang pagkauhaw ng UP sa titulo.

“You bring it with you everyday when you win a championship. That’s why I’m very grateful that I get to win at least one cham­pionship here in the UAAP,” wika ni Cansino.

Bago pumasok sa UP ay naglaro muna si Cansino ng dalawang seasons sa University of Santo Tomas.

Nagpasya itong lumi­pat sa UP matapos ang kon­tro­bersiyal na Sorsogon bubble sa kasagsagan ng pan­demya.