Cone nakaabang sa naturalization ni Boatwright
![Cone nakaabang sa naturalization ni Boatwright](https://media.philstar.com/photos/2024/07/17/2_2024-07-17_20-36-21.jpg)
MANILA, Philippines — Mananatiling si Justin Brownlee ang main naturalized player ng Gilas Pilipinas sa mga susunod na international tournaments na lalahukan nito.
Ayon kay Gilas Pilipinas head coach Tim Cone, nasa proseso pa rin ang naturalization ng dating San Miguel Beer import na si Bennie Boatwright.
Kaya naman si Brownlee pa rin ang ibabandera ng Gilas Pilipinas sa oras sa sumabak ito sa second window ng FIBA Asia Cup 2025 Qualifiers sa Nobyembre.
“He’s (Boatwright) in a process. I don’t know the full process with being naturalized but he’s been handed to the House and Senate, and he’s going through the process,” ani Cone.
Aabot sa anim na buwan ang proseso ng naturalization ni Boatwright kaya’t posibleng hindi ito umabot sa second window ng qualifiers.
“As far as I know, it’s like a six-month process at least to go through whole process of being naturalized. We know there’s a lot of sports aficionados in the Senate. They are excited with having Bennie just as we are,” ani Cone.
Napili si Boatwright na maging kandidato bilang naturalized player ng Gilas Pilipinas matapos ang impresibong laro nito sa PBA Commissioner’s Cup.
Optimistiko si Cone na mapapabilis ang naturalization ni Boatwright para agad itong makasama ng Gilas Pilipinas sa mga laban nito.
“He can come in some five or seven days before the next window and work with us. That would be great,” ani Cone.
Sasabak ang Gilas sa second window laban sa New Zealand at Hong Kong na idaraos dito sa Maynila.
“Justin is healthy, a hundred percent right now and he’ll definitely be the guy to play in November. But if not, hopefully, Bennie will be naturalized already because then we use Bennie this November,” dagdag ni Cone.
- Latest