Mga minugbong balita

Popovich mitala na'g 1,300 ka daog

CEBU, Philippines — Si coach Gregg Popovich maoy ikatulong NBA coach nga nakaabot og 1,300 ka daog. Nakuha ni Popovich ang 1,300th regular season win sa iyang karera dihang giagak niya ang San Antonio Spurs ngadto sa 120-104 nga kadaogan batok sa Chicago Bulls kagahapon.  Ang laing duha mao ang mentor ni Popovich nga si Don Nelson (1,335 regular season wins) ug Lenny Wilkens (1,332).

Aldridge nidugang kalig-on sa Nets

Misamot kalig-on ang Brooklyn Nets dihang mitapon si LaMarcus Aldridge human niuyon sa contract buyout uban sa San Antonio Spurs.  Matud sa balita, si Aldridge mopakita'g aksiyon uban sa Nets sa nahabiling mga duwa sa season. Ang 35-anyos nga si Aldridge niduwa og unom ka tuig sa Spurs.