Galanza instrumento sa 20-game sweep ng Creamline

MANILA, Philippines — Nagningning ng husto si Jema Galanza na isa sa pangunahing dahilan para matagumpay na maipagtanggol ng Creamline ang kampeonato sa 2019 Premier Volleyball League (PVL) Open Conference.

Kaya naman karapat-dapat itong tanghaling Season MVP kasama pa ang First Best Outside Hitter award.

Si Galanza ang bumuhat sa Cool Smashers sa oras na wala sina spiker Alyssa Valdez at setter Jia Mo­rado na makailang ulit na hindi nakapaglaro para sa tropa dahil sa kanyang national team duties.

Kasama nito sina Michele Gumabao, Risa Sato, Kyle Negrito, Kyla Atienza, Celine Domingo, Pau Soria­no at Rosemarie Vargas pa­ra tulungan ang Cool Sma­shers na makumpleto ang 20-game sweep.

“For me, it feels so good since all our hard work, sac­rifices bore fruit,” ani Ga­lanza na may average na 14.12 points sa eliminationa round.

Mayroon siyang 36.43 percent success rate sa attacks, 0.37 aces per set, at 3.10 digs per set.

Hindi rin matatawaran ang husay ni Morado na si­­yang ginawaran ng Finals MVP trophy.

Kaya naman nais niyang ibahagi ang MVP tro­phy sa kanyang mga team­mates na nakatuwang niya para maabot ng Creamline ang tuktok.

“I’m thankful to my teammates – without them, I wouldn’t be able to perform well. For me, to win a championship is not an individual effort – it’s a team effort,” wi­ka ni Morado.

Nagsumite si Morado ng 21 excellent sets sa pa­nalo ng Creamline sa Petro­Gazz sa Game 1 (25-23, 25-23, 25-18) at 24 excellent sets sa 29-27, 25-22, 27-25 panalo sa Game 2 noong Sabado.