Modernong sports training facility tukuron sa kaulohan
CEBU, Philippines — Gipirmahan ni Presidente Rodrigo Duterte ang balaudnon pagtukod og Philippine Sports Training Center, usa ka modernong sports training facility alang sa mga sakop sa national team.
Pinaagi sa Republic Act 11214, usa ka training facility nga magkantidad og P3.5 billion ang tukuron didto sa kaulohan diin mag-ensayo ang mga national team athletes nga morepresentar sa nasud sa mga dagkong torneyo sama sa Southeast Asian Games, Asian Games ug Olympics.
Ang maong facility nga langkuban sa mga modernong training equipments gikatakdang matapos sa tuig 2021.
"The national government is now able to afford the P3.5 billion for the PSTC because of its continuing and progressive economic strength," matud pa ni Representative Mikee Romero. "Everything about this PSTC must be a labor of love, graft and corruption free, and must meet world-class standards."
Dugang pa ni Romero nga gawas sa modernong mga gamit ug pasilidad, mohatag usab sila og saktong allowance, benepisyo ug nutrisyon sa mga atletang Pinoy.
- Latest
