Sugboanang gymnast mobanat sa Philippine Open

CEBU, Philippines — Ang premyadong gymnast nga si Daniela Reggie de la Pisa nagpanikad nang modala sa bandila sa Sugbo sa 1st Philippine 

Open Rhythmic Gymnastics Championships nga giulohan og "Captain's Cup" sugod karong adlawa didto sa Cuneta Astrodome sa Pasay City.

Si De la Pisa sa Bright Academy mokumbati sa senior division isip kabahin sa Philippine team nga mosalmot sa Southeast Asian (SEA) Games karong tuiga didto sa Clarkfield, Pampanga.

Si De la Pisa   uban sa mga pambato sa nasud makigsangka batok sa mga tang-ang gymnasts gikan sa Malaysia, Singapore, Thailand, Chinese Taipei ug India.

Gawas ni Daniela, ang iyang inahan ug personal coach nga si Darlene Castañeda-Dela Pisa modala sab uban kaniya og lima ka mga batan-ong talento nga mopakita'g aksiyon sa junior level.

Kini mao sila si Leanne Marie Manning sa One World Montessori, Colynne Marie Aguilar ug Rhaenbow Eve Abarquez sa University of San Carlos, Anne Therese Desamparado sa Labangon ug si Zian Ann Tajanlangit.