IM Kim Steven Yap naglaum makakuha og GM norm sa US

CEBU, Philippines — Ang Sugbuanong International Master nga si Kim Steven Yap dunay misyon sa iyang pagbiyahe sa Amerika karong adlawa aron mopakita og aksiyon sa pipila ka mga dagkong torneyo sa chess.

Si Yap gi-imbita ni Larry King sa Continental Chess Association nga toa magbasi sa New York aron mokumbati sa walo ka mga eight events apan tulo lamang ang iyang salmotan.

Kini mao ang Philadelphia International karong Hunyo 28 hangtud sa Hulyo 3 ug World Open sa Hulyo 3-8, pulos didto sa Pennsylvania, ug ingon man ang Atlantic Open karong Agosto 24-26 didto sa Falls Church, Virginia.

"Ang mga top chess masters apil na ang mga GMs sa tibuok kalibutan moapil mao na nga maningkamot ko og maayo kay gusto ko makakuha og GM norm sa pag-apil ani nga mga tournaments," matud pa ni Yap, nga taud-taud nang naghulma og mga batan-ong talento isip direktor sa Cebu School of Chess ug head coach sa University of Cebu (UC) chess varsity team.

Sa duwang ahedres kon chess, ang usa ka IM sama ni Yap gikinahanglan nga maka-angkon og tulo ka norms aron mamahimo nga usa ka hingpit nga GM.

Sa iyang paglupad sa US, si Yap giabagan sa UC ubos sa liderato sa presidente niining si Atty. Augusto 'Gus' W. Go ug Rose Pharmacy, Inc. pinaagi ni chess patron Boojie Lim. (BANAT NEWS)