Cebu mo-host Filoil cagefest

CEBU, Philippines - Laing  kulbahinam nga aksiyon ang masaksihan sa mga Sugbuanon  dihang ang Cebu  mo-host sa labing unang road games sa Filoil Flying V Hanes Premier Cup karong Mayo 21-25 sa duha ka managlahing binyu.

 Ang mga duwa sa unang tulo ka adlaw adto himuon sa Mandaue City Cultural and Sports Complex, samtang ang nahabiling duha ka adlaw adto ipahigayon sa Hoopsdome sa dakbayan sa Lapu-Lapu.
 "Our plans for expansion began last season when we invited SWU," matud pa ni Filoil tournament director Joey Guillermo sa  press conference kagahapon didto sa Sunburst-Mango.
 Mosalmot sa maong torneyo mao ang reigning UAAP champion La Salle Green Archers ug defending Filoil title-holder University of the East Red Warriors. Sangkaon nila ang mga dekalibreng koponan sa Cebu Schools Athletic Foundation Inc. (CESAFI) nga pangulohan sa defending champion University of the Visayas (UV) Green Lancers, Southwestern University (SWU) Cobras ug University of San Carlos (USC) Warriors.
 Ang mga tiket  nagkantidad og P30 sa general admission, P80 sa upper box ug P200 sa lower box.
 Alang sa dugang mga impormasyon sa umaabot nga mga duwa sa Filoil dinhi sa Sugbu, mahimong mokontak ni Asila Malazarte sa 0922-4703770. (BANAT NEWS)