Wemby, Spurs padayong nanginit

CEBU, Philippines — Ang San Antonio Spurs madasigong mibangon human malubong og 22 puntos aron ihawon ang Chicago Bulls, 124-119,

alang sa ika-10 nilang sagunson nga daog sa NBA kagahapong adlawa didto sa United Center sa Chicago, Illinois.

Si Victor Wembanyama mibubo og 32 puntos uban ang siyam ka rebounds, duha ka steals ug lima ka blocks aron pangulohan ang pito ka players sa Spurs nga mi-iskor og double figures.

Ang Bulls mipaulbo og 41 puntos sa unang kuwarter apan nahugno sila taliwala sa bangis nga resbak sa Spurs, nga nagkupot na karon og 10-2 nga baraha.

Didto sa Milwaukee, ang Los Angeles Lakers miinat sa ilang rekord ngadto sa 11-2 human gibugha ang Bucks,123-112.

Si Luka Doncic mikadlit og 32 puntos apan nagtakiang nga migawas sa korte sa katapusang kuwarter kay nayayay ang tiil. Gawas ni Doncic, naangol sab ang laing sinaligan sa Lakers nga si Austin Reaves.

Sa laing bahin, sia si James Harden ug Donovan Mitchell nagkumboya'g 55 puntos sa dihang gitumba sa Cleveland Cavaliers ang defending champion New York Knicks, 115-107.

Si Jayson Tatum miaswat sa Boston Celtics ngadto sa 98-93 nga pagpayaka sa Toronto Raptors, 98-93.

Sa Phoenix, si Kevin Durant mitali og 20 puntos samtang sila si Alperen Sengun ug Amen Thompson mibirada og 19 puntos matag usa aron ibandera ang Suns ngadto sa 115-108 nga pagpiog sa Golden State Warriors, kansang walo ka sunod-sunod nga daog naputol.