Texters sa semis: Mixers ipinuwersa ang game 3

Laro Ngayon

Smart Araneta Coliseum

6:45 p.m. Rain or Shine vs Ginebra

MANILA, Philippines - Tuluyan nang winalis ng Talk ‘N Text ang Petron Blaze sa kanilang quarterfinals showdown nang kunin ang 96-86 panalo sa Game Two patungo sa semifinal round ng 2013 PBA Commissioner’s Cup kagabi sa Smart Araneta Coliseum.

Tinapos ng Tropang Texters ang kanilang best-of-three quarterfinals series ng Boosters sa 2-0 matapos sikwatin ang 100-93 tagumpay sa Game One noong Biyernes.

Isinara ng Talk ‘N Text ang fourth quarter mula sa isang 19-7 atake para sibakin ang Petron.

Makakasagupa ng Tropang Texters sa best-of-five semifinals series ang mananalo sa ‘do-or-die’ game ng No. 2 Rain or Shine Elasto Painters at No. 7 Ginebra Gin Kings ngayong alas-6:45 ng gabi sa Big Dome.

“This is a big win for us, and it’s going to be either Rain or Shine or Ginebra so I’m going to be watching their game with a lot of inte­ rest,”  ani Talk ‘N Text coach Norman Black.

Naipuwersa naman ng Gin Kings ang isang ‘do-or-die’ match nang kunin ang inspiradong 90-83 panalo kontra sa Elasto Painters noong Sabado.

Bitbit ng Rain or Shine ang ‘twice-to-beat’ advantage laban sa Ginebra.

Ang No. 1 Alaska  Aces, nagdala ng ‘twice-to-beat’ incentive sa quarterfinals, ang unang koponang nakapasok sa best-of-five semifinals series nang ta-lunin ang No. 8 Air21 Express, 87-81.

Sa ikalawang laro, pinu-wersa naman ng nagdedepensang San Mig Coffee sa Game Three ang kanilang serye ng Meralco nang kunin ang 100-92 panalo sa Game Two.

Magtatagpo ang Mi­xers at Bolts sa Miyerkules para sa kanilang ‘do-or-die’ match.

Ang mananalo sa pa­gitan ng Mixers at Bolts ang siyang sasagupa sa naghihintay na Aces sa semifinals series.

“We certainly haven’t won anything yet,” wika ni San Mig Coffee mentor Tim Cone. “Nothing to get excited about. We need to take a more business like approach in this series.”

Talk ‘N Text 96 - De Ocam­po 17, Castro16, Re­yes 14, Alapag 12, Jordan 11, Dillinger 8, Al-Hussaini 7, Peek 7, Fonacier 4, Aban 0, Ferriols 0, Carey 0.

Petron 86 - Lassiter 23, Sims 17, Fajardo 15, Santos 15, Miranda 10, Cabagnot 4, Washington 2, Lutz 0, Tubid 0, Peña.

Quarterscores: 28-32; 52-56; 73-74; 96-86.

San Mig Coffee--100 - Bowles 35, Mallari 16, Pingris 12, Simon 11, Barroca 9, Yap7, Devance 6, De Ocampo 3, Reavis 1.

Meralco-- 92 - Dawson 23, Cardona 14, Hodge 12, Ross 10, Hugnatan 9, Salvacion 9, Reyes 8, Buenafe 3, Manuel 2, Artadi 2.

Quarterscores: 24-28, 52-42, 75-68, 100-92.