CCB-AME Transport kampiyon sa CIPU cagefest

CEBU, Philippines - Gileksiyon ni Ferdie Sigue sa Canillas Customs Brokers (CCB) AME Transport ang  Cebu Basketball Mania Association (CEBAMA) tungod sa huyang nga depensa ngadto kaniya diin mitusak siya og 17 puntos aron pangulohan ang iyang team pagposte og 78-74 nga kadaugan ug aron usab sakmiton ang korona sa 1st Cebu International Port Users (CIPU) basketball tournament didto sa Benedicto College gym sa  A.S. Fortuna st., Mandaue City.

Sa sayo pa, naangkon sa Avenido Brokers ang ikatulong puwesto human ilang gipukan ang FYA-Martinez Brokers, 68-59 sa overtime.

Nakahuygo'g maayo si Sigue tungod usab sa maayong mga assists gikan ni kanhi UC Webmasters pointguard Kenneth Kern Sesante, kinsa miiskor sab og daku sa iyang 16 puntos. Laing tulo nila ka teammates ang mirehistro sab og double figures.

"I'm proud of my players. They really played team efforts and their desire to win our first championship is within their hearts," matud pa ni CCB team owner Roy Canillas.

Naglaraw ang magtiayong Roy ug Joy Canillas nga mopahigayon og victory party.

Si Elloren maoy nangu

sa CEBAMA sa iyang 15 puntos, laing tulo sab niya ka kauban  ang miiskor og double figures. 

Sa laing bahin, si Alex Plando miposa og 19 puntos aron pangulohan ang Avenido Brokers, samtang silang Rocky Lim, Yulo Arevalo ug Jonas Cayanong mihimo sab og double figures. 

Sila si Baeng Medalle ug Janus Abellana parehong mibahog og 13 puntos alang sa FYA, samtang silang Noel Medalle ug Toper Marata nagkumboya og 23 puntos.

Puntos matag usa

Unang duwa:

Avenido (68) - Plando 19, Lim 16, Arevalo 12, Cayanong 10, Monden 6, Ponte 2, Elorde 2, Avenido 2

FYA-Martinez (59) - B. Medalle 13, Abellana 13, N. Medalle 12, Marata 11, Laborte 6, Gornez 4, Arreglo 2

Ikaduhang duwa:

CCB (78) - Sigue 17, Sesante 16, Villa 14, Manlosa 12, Sillar 10, Yap 5, Embrado 2

CEBAMA (74) - Elloren 15, Guardiano 10, Peras 10, Manulat 10, Tecson 9, Villaronza 5, Niones 4, Garcia 4, Allerite 2, M. Guardiario 2, Oporto 1  (BANAT NEWS)