Way daganay- Gesta

Gihagit ni undefeated Cebuano lightweight Mercito ‘No Mercy’ Gesta ang Mexican champion nga si Miguel Vasquez nga dili magsige og dagan sud sa ring atol sa ilang sangka sa Disyembre 8 didto sa MGM Arena sa Las Vegas.

Si Gesta musuway pag-ilog sa IBF championship ni Vasquez sa undercard sa Manny Pacquiao-Juan Manuel Marquez showdown.

Tuñacao batok Mexican

Ipadayun ni Japanese-based Cebuano boxer Malcolm ‘Eagle Eye’ Tunacao ang iyang tinguha nga makakuha pagbalik og kahigayunan nga moaway sa world title sa iyang pakigharung ni Mexican Christian Esquivel.

Si Tuñacao makigsangka ni Esquivel sa Disyembre 22 didto sa Japan sa usa ka title eliminator alang sa WBC bantamweight belt nga gihuptan ni Japanese Shinsuke Yamanaka.

Martin desperado makatrabaho

Andam mudawat og bisan gamay nga suhulan ang veteran forward nga si Kenyon Martian sa bisan unsa nga team aron lang makaduwa siya sa NBA.

Si Martin miduwa sa miaging season uban sa Los Angeles Clippers nga iyang natabangan sa pagsulod sa playoffs.

Dapudong andam na sa title fight

Gibutyag ni Mindanao boxer Edrin ‘The Sting’ Dapudong nga andam na siya alang sa pagsuway niya pagsakmit sa world title didto sa South Africa.

Si Dapudong makigsangka ni South African Gideon Buthelezi alang sa bakanteng IBO light bantamweight title karong Domingo.