Bradley pabor ni Pacquiao

Nakita ni WBO welterweight champion Tim Bradley nga mopatigbabaw gihapon si Manny Pacquiao batok ni Juan Manuel Marquez sa ilang sangka sa Disyembre 8 didto sa Las Vegas.

Si Bradley maoy katapusang boksidor nga mipilde ni Pacquiao niadtong Hunyo pinaagi sa usa ka kontrobersiyal nga 12 round split decision didto sa Las Vegas.

 Pinoy mipa-retire sa Thai legend

Naahat pag-retire si kanhi flyweight champion ug Thai boxing legend Pongsaklek Wongjongkam human siya gipatumba sa Pinoy nga si Rey Migreno didto sa Thailand.

Si Migreno maoy giisip nga underdog batok ni Wongjongkam, apan wa damha nga pakuratan sa Filipino boxer ang mga Thai fans dihang gi-TKO niini ang Thai legend alang sa WBC International belt. (LPM)

McDyess mobalik sa NBA

Mipadayag sa iyang tinguha nga mohaw-as gikan sa retirement og moduwa pagbalik sa NBA ang kanhi All-Star nga si Antonio McDyess.

Si McDyess katapusang miduwa sa NBA niadtong miaging tuig uban sa San Antonio Spurs diin siya nag-average og 5.3 points ug 5.4 rebounds.

Klitschko gihagit og MMA fighter

Nagtuo ang Mixed Martial Arts (MMA) champion nga si Junior Dos Santos nga mapatumba niya ang heavyweight boxing champion nga si Wladimir Klitschko.

Ang UFC heavyweight king nga si Dos Santos nagkanayon nga andam siya makigharung ni Klitschko sa usa ka boxing match aron pamatud-an nga mas kusug iyang kumo. (LPM)