Khan mas "Maru" na karon

CEBU, Philippines - Nagkanayon ang British boxer nga si Amir Khan nga ang paggamit sa iyang utok dili sa iyang kasingkasing maoy mohatud niya sa dalan ngadto sa ibabaw sa kalamposan sa iyang boxing career atol unya sa iyang umaabot nga sangka batok sa wala pa'y pildeng Amerikano nga si Carlos Molina sa Disyembre.

"We know we have to win the fight, not only win it but win it in good style," matod pa ni Khan kaniadtong Martes didto sa Los Angeles Sports Arena diin adto saila magsangka ni Molina ubos sa light welterweight bout nga ipahigayon unya sa Disyembre 15.

"I want to be back up there. I want a good win. I aim to win this fight to be back where I want to be."

Sumala pa ni Khan nga kanhi world champion apan bag-o lang nakatilaw og duha ka sagunson nga pilde lakip na ang fourth-round knockout gikan sa mga kamot ni light welterweight world champion Danny Garcia kaniadtong Hulyo.

Sukad niadto, gibuhian ni Khan isip iyang trainer ang bantugan na kaayo nga si Freddie Roach kinsa maoy mentor sa Filipino icon Manny Pacquiao ug nagpasalamat sa iya karong gihimong preprasayon uban sa bag-ong trainer nga si Virgil Hunter kinsa nagkanayon nga makita sa mga fans "an Amir Khan who is smarter, an Amir Khan who is thinking about everything".

"He has to temper his approach. He's a little ahead of himself, he has to learn how to harness his speed," misumpay si Hunter sa pag-ingon.

Si Khan kinsa adunay 26-3 nga record uban sa 18 ka knockouts, miangkon nga sakit ang iyang kapildehan ngadto kang Garcia  human lang sab sa iyang kapildehan pinaagi sa usa ka controversial split decision batok sa Amerikanong si Lamont Peterson.

"I think I let him and his father get to me. I lost my cool. I could have just boxed him and I tried to get into a fight with him and I got into his game," mibutyag si Khan.

Si Hunter, kinsa maoy trainer sa walay pildeng world    chamion  nga si Andre Ward, mitambag kang Khan nga kining pamoksing usa ka negosyo, dili ang pagpanimawos. (GGM)(BANAT NEWS)