Montenegro naghari sa CHEDA singles event

CEBU, Philippines -  Gipahimuslan ni Steve Montenegro ang taas na niyang kasinatian aron maghari sa singles event sa labing bag-ong edisyon sa Cebu City Hall Employees Darts Association (CHEDA) weekly tournament didto sa Baseline Sports and Recreation Center.

Gipukan ni Montenegro si Roneil Haslem sa final round.

Si Rodmar Branzuela mipahiluna sa ikatulo nga dapit, samtang si Alvin Villa nalandig sa ikaupat.

Sa doubles event, ang tandem nilang Branzuela ug Jomar Pastorfide Amerol maoy milangkat sa korona human nila gipilde silang Jerome Perales ug Me-Me Canga.

Sila si Montenegro ug Morex Galanza mitugpa sa ikatulo nga dapit, samtang sila si Reyden Colina ug Wenie Abella mikapyot sa ikaupat nga dapit. (BANAT NEWS)