Rollway Customs Brokerage gisugat og daog

CEBU, Philippines - Tanang unom ka player sa Rollway Customs Brokerage nga nakapuntos ang mikadlit og double figures atol sa una nilang duwa batok sa Boyla, 92-87 sa Lapu-Lapu Basketball Association (LLBA) Barkada Cup 2012 nga gisugdan niadtong Biyernes sa gabii didto sa Villas Magallanes gym sa barangay Basak, Lapu-Lapu City.

Gipangulohan ni Tito Añana ang kadaugan human misansan og 28 puntos, gisundan ni Amay Palad, kinsa miabuno og 15 puntos.

Mibuylo dayon ang Boyla pagsugod sa duwa hinungdan nga ilang nabiyaan ang Rollway Customs Brokerage ni team owner Rolly dela Pieza.

Hinuon, dali usab napapas sa Rollway Customs Brokerage ang labaw sa Boyla ug sukad niadto, sikit na kaayo ang aksiyon dihang ang duha ka kampo nag-iyahay og pasulod sa ilang puntos sa fourth quarter.

Mihulga sa katapusang higayon ang Boyla sa tunga-tungang bahin sa final period tungod kay wala makasustiner sa makutas nga duwa.

Si Jerome Plarisan maoy topscorer sa Boyla nga miposa og 24 puntos, laing duha niya ka teammates ang mirehistro sab og double figures.

Ang duwa pagahimuon matag adlaw'ng Lunes, Miyerkules ug Biyernes sugod sa alas-7 gabii.

Si Nido H. Intud maoy adviser sa maong kahugpongan.

Puntos Matag Usa

ROLLWAY (92) - Añana 28, Palad 15, Sumalinog 14, Burlaos 12, Arado 12, Yubal 11

BOYLA (87) - Plarisan 24, Gelig 12, Igot 11, Ligayan 9, Daño 8, Simbahon 5, Quezon 2, Tripoli 2, Ybañez 2  (BANAT NEWS)